Keni marrë rrugë për në shtigjet e Brezovicës apo te Bogës? Po i hulumtoni dyqanet e Selanikut apo po relaksoheni në plazhet e Shqipërisë? Pushimet janë të mrekullueshme dhe kujt nuk i pëlqen të udhëtojë nëpër botë dhe të përjetojë eksperienca të reja?

Mbajtja e sistemit tuaj imunitar nën kontroll është një nga mënyrat më të mira për një udhëtim pa brenga. Thjesht mungesa e gjumit apo dehidrimi mund ta zbresin nivelin e kënaqësisë gjatë udhëtimit tuaj.

Pra cilat janë dy gjërat më të rëndësishme për të qëndruar të shëndetshëm gjatë pushimeve tuaja? Flini mjaftueshëm dhe pini sasi të mjaftueshme të ujit. Do të gjeni edhe shumë këshilla tjera më poshtë por edhe këto dy keshilla e bëjnë një ndryshim të madh gjatë udhëtimeve.

Shumica e këshillave të mëposhtme janë për pushime që kërkojnë udhëtime me avion por shumë nga to janë të aplikueshme edhe për udhëtime me makinë, me anije apo me tren. Shpresojmë që disa nga to do ju hyjnë në punë në udhëtimin tuaj të radhës. Rrugë të mbarë.

Para se të udhëtoni

• Jeni pro-aktiv rreth sistemit imunitar. Filloni me përdorimin e suplementeve si probiotik dhe përforcues të sistemit imunitar.
• Bleni një shishe të ujit për shumë përdorime. Kjo do t’ju kursejë shumë para dhe do të jetë e dobishme posaqërisht në vendet kur uji nga çezmja nuk është i pijshëm dhe ku blerja e ujit në shishe është e pashmangshme.
• Paketoni vitaminat dhe ilaqet tuaja. Gjeni një çantë të vogël e cila zë më pak hapësirë sesa shishet. Sigurohuni që çdo ilaq i lëngshëm është në paketim më të vogël se 100 ml që kjo të jetë në përputhje me udhëzimin e Administratës për Siguri në Transport
• Pajisuni me ushqime të shpejta të shëndetshme. Biskota Energjike të përgatitura në shtëpi janë opcioni më i mirë.
• Flini dhe relaksohuni mjaftueshëm. Planifikimi i udhëtimit mund të jetë stresues. Nuk është mirë nëse udhëtimin e filloni pa pasur gjumë të mjaftueshëm.

Gjatë udhëtimit

• Paketoni gjërat e domosdoshme. Paketoni këto gjëra në çantën tuaj ashtu që të keni qasje të lehtë në to: Xhenxhefil për problemet me stomakun, Pilula për gjumë, Losion për duar, balsam të buzëve, pika për sy dhe sprej për hundët (ajri në avion është shumë i thatë dhe mungesa e lagështisë mund ta thajë lëkurën dhe membranat e hundës), Çamçakëz (për të ndihmuar veshët gjatë ngritjes dhe aterimit), Gjëra që do t’ju bëjnë të ndiheni komfort (batanije/shall, jastëk, maskë për sy, kufje, tapa për vesh, etj).

• Mbathni çorapë. Çorapët mund t’ju ndihmojnë kundër mikrobeve dhe gjithashtu i mbajnë shputat e ngrohta gjatë udhëtimit me avion
• Mbusheni shishen me ujë. Sigurohuni që të jetë e zbrazët gjatë kontrolleve të sigurisë por mbusheni mirë para se të ngjiteni në avion dhe pini shume ujë gjatë fluturimit.
• Dezinfektohuni. Në avion ka shumë mikrobe. Dezinfektoni duart pasi të prekni vendet e zakonshme në avion si mbështeteset për duar, tavolinat dhe gjithçka në tualet etj.
• Flini mjaftueshëm. Fjetja gjatë fluturimit është shumë e rëndësishme posaqërisht nëse fluturoni gjatë natës apo për një periudhë të gjatë kohore.

Gjatë pushimeve

• Qëndroni aktiv. Një nga mënyrat më të mira për ta parë një qytet është që ta shëtitni në këmbë ose me biçikletë. Aktiviteti fizik është mënyrë shumë e mire për të parë vende të reja dhe për të djegur kalori.
• Pini ujë. Edhe pse mund të joshëse për të provuar një birrë/verë/koktel në secilin restorant, sigurohuni që të pini edhe sasi të mjaftueshme të ujit.
• Provoni ushqimet e vendit. Ngrënia e frutave dhe perimeve të freskëta të vendit është menyrë e shkëlqyshme për t’i dhënë organizmit materiet e nevojshme ushqyese. Sigurohuni që të hani fruta dhe perime të freskëta gjatë secilit vakt.
• Gjumi. Mungesa e gjumit gjatë udhëtimeve mund të çojë në ngrënje të tepruar dhe mungesë të disponimit, që gjithmonë është gjë e keqe gjatë udhëtimeve.
• Dezinfektoni dhe lani shpesh duart. Disa nga vendet më të ndotura: bankomatët, mbështetëset e duarve, dorëza e derës, etj.