Ekzistojnë disa strategji për forcimin e sistemit tuaj imunitar me të cilat tashmë jeni të informuar (si p.sh, Vitamina C) mirëpo ka edhe shprehi tjera të menyrës së jetesës dhe nutricient që luajnë rrol kyç në forcimin e sistemit tuaj imunitar.

Me këto 8 këshilla ju mund ta forconi sistemin mbrojtës natyrorë të organizmit tuaj dhe të jeni i shëndetshëm dhe aktiv gjatë gjithë dimrit.

1.MË PAK STRES

Stresi kronik ka ndikim negativ në shëndetin tuaj në tërësi. Përderisa është e pamundur të shmagen të gjithë faktorët stresues të jetës moderne, duke i dhënë vetes kohë për relaksim dhe eliminim të stresit, mund ta forcojë sistemin tuaj imunitar.

Secili i ka format e veta të relaksimit mirëpo disa aktivitete të pranuara gjërësisht janë leximi, bërja e banjos, shëtitja apo takimi me miq për kafe ose një vakt.

2.USHTRIMET

Nuk është sekret se ushtrimet janë një nga shtyllat e jetës së shëndetshme, por shumica e njerëzve kur bëjnë ushtrime mendojne vetëm për peshën e tyre trupore. Ushtrimet e rregullta mund të bejnë shumë më shumë sesa vetem mbajtja e linjës suaj trupore. Ushtrimet forcojnë të gjitha organet tuaja e kjo e ndihmon shëndetin tuaj në përgjithësi. Nuk duhet të kaloni orë të tëra në salla të fitnesit. Qeveria Amerikane rekomandon dy orë e gjysëm (150 minuta) aktivitet fizik me intensitet të ulët çdo javë.

3.PROBIOTIKËT

Probiotikët janë të mirënjohur për focimin e sistemit tretës të organizmit, por ata gjithashtu e forcojnë edhe sistemin imunitar. Një balancë e favorshme e mikroflorës së shëndetshme të zorrëve (që i ofrojnë bakteriet “e mira” probiotike) është dëshmuar se e ndihmon funksionimin optimal të sistemit imunitar. Probiotikët e gjallë gjenden në ushqimet si: lakërat, turshitë, jogurti.

4.BARISHTET DHE ERËZAT

A e keni ditur se barishtet dhe erëzat nuk janë vetëm aromatizues të ushqimeve tuaja por edhe mund ta forcojnë shëndetin tuaj? Turmeriku, hudhra, magdanozi dhe të tjera ofrojnë antioksidant forcues të sistemit imunitar.

5.VITAMINA C

Kur e dëgjoni shprehjen “Sistem Imunitar” me siguri mendja ju shkon menjëherë tek vitamin C. Kjo vitaminë për kohë të gjatë është  njohur si mbështetës jetik i sistemit imunitar. Sigurohuni që e merrni dozën tuaj ditore të vitaminës C duke ngrënë sasi të mjaftueshme të frutave dhe perimeve gjatë çdo vakti. Dhe nëse mendoni se keni mungesë të kesaj vitamine vazhdoni edhe me suplemente të vitaminës C.

6.HANI USHQIME TË BOLLSHME

Siq u përmend më herët mbushja e pjatës suaj me fruta dhe perime është mënyrë e shkëlyeshme e forcimit të sistemit tuaj imunitar. Ngrënia e ushqimeve të pasura me nutricient si fruta, perime, drithëra dhe mish të bardhë është mënyrë e sigurtë për marrjen e të gjitha vitaminave, mineraleve dhe nutricientëve që i duhen organizmit tuaj për funksionim optimal. Suplementet gjithmonë mund t’ju ndihmojnë në përmbushjen e mungesave por nuk mund ta zëvendësojnë dietën e gabuar.

7.BËNI GJUMË TË MJAFTUESHËM

Përpiquni të bëni 7 deri 8 orë gjumë gjatë natës. Shpesh gjumi është aspekti kryesorë i shëndetit. Shumë procese jetike ndodhin vetëm gjatë kohës kur ju jeni duke fjetur. Mungesa e gjumit shkakton stres të panevojshëm në organet tuaja dhe e lodh sistemin tuaj imunitar.

8.MERRNI DIELL

Vitamina D përveq përfitimeve tjera gjithashtu është jetike për një system të fuqishëm imunitar. Vitamina D është e njohur si Vitamina e Diellit sepse sintetizohet përmes ekspozimit në rreze të diellit. Megjithatë gjatë muajve të dimrit nuk është e lehtë të merret kjo vitaminë e rëndësishme dhe për këtë arsye shumë njerëz zgjedhin suplemente që e përmbajnë ketë vitaminë.