Mes angazhimeve të punës, fëmijëve dhe shtëpisë mund të jetë shumë e vështirë për grate që të marrin materiet ushqyese të nevojshme për organizmin. 5 suplementet kryesore për të cilat gratë kanë nevojë janë:

1.VITAMINA D – E shkëlqyeshme për shëndetin e kockave dhe sistemin imunitar. Vitamina D është gjithashtu e nevojshme edhe në fushat tjera të shëndetit të mire. Trupi e gjeneron vitaminën D kur lëkura i ekspozohet rrezeve të diellit por shume njerëz nuk janë mjaftueshëm të ekspozuar në diell ose nuk marrin mjaftueshëm qumësht të pasuaruar me vitamin D për ti përmbushur nevojat ditore të organizmit. Rekomandohet 1000 IU të vitaminës D në ditë.

2.KALCIUMI – Është themelorë për eshtrat e forta dhe mund ta merrni përmes dietës tuaj ditore. Kalciumi gjendet në bylmete dhe perime jeshile. Përveq forcimit të eshtrave kalciumi ndihmon edhe në përmirësimin e disponimit dhe të sindromave para menstruale. Suplementet e kalciumit më së miri absorbohen nga organizmi në doza të ndara – 500mg dy herë në ditë. Citrati i kalciumit është forma e cila në mënyrën më efektive e shpërndan mineralin.

3.MAGNEZIUMI – Minerali i cili e përmirëson disponimin është magenziumi. Ushqimet  e pasura me magnesium si perimet jeshile dhe bishtajoret ndihmojnë në rregullimin e neurotransmetuesëve të cilët e përmirësojnë shëndetin mendor. Doza ditore e rekomanduar për magnesium është 400 mg.

4.VITAMINA B – Nëse dëshironi të ndiheni energjik në mënyrë natyrale provojeni vitaminën B kompleks. Këto vitamina gjenden në mish, bylmete dhe spinaq. Shtojnë energjinë, ndihmojnë sistemin imunitar dhe disponimin. Vetëm duhet të siguroheni që ti merrni vitaminat B në mëngjes sepse energjia e shtuar nga vitamina B mund të çrregullojë gjumin.

5.OMEGA 3-6-9 – Përmirësojeni shëndetin kardiovaskular me acide esenciale yndyrore Omega 3-6-9. Studimet shkencore kanë treguar se mirëmbajnë nivelet e shëndetshme të kolesterolit në organizëm. Përfitimet nga suplementet Omega 3-6-9 nuk janë vetëm për zemrën, ato gjithashtu e ndihmojnë trurin, nyjet lëkurën etj.